منذ 7 أيام 1
الاول سامحونى - فى اللى هقوله واللى هقوله مجرد رؤيتى ووجهة نظرى الشخصيه .. واعتبروها ملهاش اى قيمه كلامى هو مجرد احساس جوايا وحبيت افضفض بيه - مش اكتر انا بتكلم على نفسى اول واحد مشكلتنا ان كلنا بنحسب نفسنا ومعتقدين اننا زعما ورويسا وابطال وفى الحقيقه ان محدش فينا لا زعيم ولا ريس لا بطل ولا يقدر اى حد فينا يحرك او يحكم على 3 انفار من قرايبه اللى شغالين فى الصناعه مشكلتنا ما تتحلش غير بقيادة بطل وللاسف كلنا ابطال من ورق وعلى الورق ابطال على الفيس وبس ابطال فى الكلام والشعارات والخطب الرنانه والشعارات الكدابه وبس ابطال بيبيعو الوهم لناس عاجبها انها تشترى الوهم طالما مش هيدفعو حاجه ولا هيبزلو مجهود الكلام ده بالنسبه لينا احنا مجموغة الناس اللى عامله نفسها ابطال اما بقى بالنسبه للباقين - اللى مش من هواة الزعامه فدول بقى مصيبتهم مصيبتين لانهم لا عملو حاجه ولا بيعملو حاجه ولا هيعملو حاجه غير انهم ... بردو على الفيس يكتبو ( معاك ) ( تم ) ( رقم تلفونهم ) ( مدح ) وهكذا وساعة الجد فين رجالتك يا فرج ...... ( مفيش ) حد هيقولى - احنا مش عايزين ابطال وعايزين كلنا نشارك ونشترك ونتجمع على فكر ورؤيه واحده هقوله ........اهى دى بردو شعارات ... و مستحيل تتحقق لانى انا عندى رؤيه وفاكر نفسى عبقرى زمانى اللى ما جابتهوش ولاده وانت عندك رؤيه وفاكر نفسك عبقرى زمانك واللى ما جابتكش ولاده وفى الاخر لا انا عبقرى ولا انت عبقرى اللى انا بقوله مجرد خيابه واللى انت بتقوله اخيب واخيب # خدو بالكم انا كل كلامى اللى فات عن الناس المحترمه ناهيك بقى عن الناس اللى مش محترمه واللى ليها اغراض وبتدور عن اى استفادات ومصالح شخصيه ودول بقى حدث عنهم ولا حرج نسيت اقول ليكم ان فيه مجموعه تالته من المرضى اللى بيكرهو نفسهم واللى ما يهمهمش ان الدنيا تبقى كويسه وكل اللى يهمهم انهم يبوظو اى فكره ممكن تكون كويسه ... ودول ربنا ياخدهم لان مفيش امل فى شفائهم لان قلوبهم ونفوسهم هى اللى مريضه ودول لا منهم ولا من كفاية شرهم وهما احقاقا للحق يتعدو على صوابع الايد انا مش زعلان على حد لان اللى عامله نفسه بطل عارف انه مش بطل ولا ينفع يكون بطل واللى عامل نفسه مؤيد عارف انه مش مؤيد تأييد حقيقى ما تزعلوش منى - انا بس فى لحظة مصارحه .... كلامى ده مش جديد - وسبق وقلته قبل كده .. بس بفكركم وبفكر نفسى بيه طيب بعد كمية السواد دى كلها الخلاصه اننا كلنا مش مخلصيين .. كلنا كدابين .. كلنا مدعين .. كلنا سلبيين .. كلنا مذنبين كلنا بنستعبط وبنستهبل ..... على بعضنا اما عن الحل بقى ؟ - اقسم بالله انى ما شايف ليها حل الموضوع مش مجرد حسبه صعبه ولا حسبة برما .. الموضوع اكبر من حسبة برما بكتير احنا محتاجين معجزه ... وزمن المعجزات انتهى بعتذر على الاطاله وللحديث بقية يوم الاربعاء فى #برنامج_حسبة_برما على قناة الصحة والجمال / الساعة 8.30
منذ 9 أيام 11
اي منتج في الدنيا اللي بيحدد سعره صاحب المنتج الا مهنه الدواجن اللي بيحدد سعرها شخص من خارجها نهائيًا الا وهو السمسار مفيش سمسار في مصر ربي فرخه حتي في بلكونه بيته ! حاولنا كتير نتواصل مع الحكومه لعمل بورصة حكومية متوازنه لحماية المنتج المحلي و دائمًا دون جدوي ومبررات الجهات الحكومية ان ليس لديهم داتا او معلومات ℹ لتحديد السعر اليومي واحنا بنرد من جانبنا وما هي داتا الجدواي ومنير وعبدالمغيث وبناء علية نطرح اقتراح ونطلب من السادة المربيين ان نجمع مجموعه من المربيين والسماسرة الذي لا خلاف عليهما ويتم تحديد سعر السوق لمدة زمنية ولو يكن شهر والمجموعه دي هيكونوا المنارة للسعر الحقيقي والذي يحقق التوازن بين صاحب اللحم والمستهلك طالما الحكومة والوزرات المعنية لم تحمي صناعتها هنا يجب علي العاملين بها التدخل لحمايتها مع ام ضد تكوين مجموعه من المربين والسماسرة الذي لا خلاف عليهم لتحديد سعر السوق بعيدا عن العشوائية الموجودة حاليا في سوق الدواجن بمصر ؟
Copyright resarved @ ISDEgypt.com