منذ 24 ساعات 0
احلى وانضف عيش فينو هوه اللي هتعمليه بايدك فالبيت لحبايبك بجد اختلاف كبير جدااااا عن الفينو بتاع بره اوووك تعدييييييييل بسم الله اولا المكونات: كيلو دقيق ملعقة صغيرة ملح نص كوب زيت كوب لبن (وممكن استبداله بالماء أو الزبادي أو لبن بودر ٣ملعقة كبيرة سكر ٢ملعقة كبيرة خميرة الطريقة بالتفصيييييل: انا بحب دائما في المعجنات اختبر الخميرة يباى اولا نحط الخميرة مع ماء دافئ مع السكر ونسيبها شوية لحد ما تشوفي الخميرة اشتغلت بس خدي باااالك الماء يكون دافئ بس مش سخن عشان لو سخن الخميرة بتبوظ ومش بتشتغل خلاص اطمنا أنه الخميرة كويسة نضيف الدقيق وباقي المكونات عليها ونعجنها كويس جدااااا جدااااا لحد ما تكون العجينة متجانسة (ولو حسيتيها محتاجة إضافة شوية لبن او مياه ضيفي شوية صغيرين وكملي عجنها) هتلاحظي العجينة بتلزق شوية بسيطة كده عادي بتخليها كورة كده وتغطيها نص ساعة لحد ما تخمر وبعدها ترضي شوية بسيييييطة خالص دقيق على الرخامة وتاخدي العجينة وتعمليها شكل اسطوانة وتقطعيها قطع اد بعض حسب انتي عايزة الفينو حجمه اد ايه بس مهم يكونوا اد بعض عشان يستوي صح بتاخدي كل قطعة بتفرديها دائرة بايدك أو بالنشابة وبتلفيها رول وبتقفليها كويس وتدهني صينية فرن بزيت خفيف خالص لا يذكر زي اللي بندهنه الكريب كده بمنديل كده ولا حاجة وكل ما تخلصي واحدة تحطيها فالصينية وأما تخلصيهم إدهني وشهم بلبن وغطي على الصينية نص ساعة لحد ما يخمر كمان مرة وسخني الفرن وحطيه فوق خالص عالشواية وانتي مولعا الفرن بس على درجة حرارة ١٨٠ لمدة نص ساعة وشوفيه من تحت لو اخد لون انقليه فالفرن من تحت وافتحي الشواية عشان الوش ياخد لون بس ثواني خليكي قدامه بس وبالهنا تعديل تالت نسيت اقولكوا حاجة مهمة اول ما يطلع من الفرن غطيه بفوطة نظيفة مندية مياه على خفيف لحد ما يبرد عشان ما ينشف معاكي دعواتكوا باه
Copyright resarved @ ISDEgypt.com