صباح الخير... أكيد كلكم بتستعدّو للعيد وإشتريتوا لبس العيد.. والأهم...

Matbakh Sooka - مطبخ سوكة : صباح الخير... أكيد كلكم بتستعدّو للعيد وإشتريتوا لبس العيد.. والأهم...

صباح الخير... أكيد كلكم بتستعدّو للعيد وإشتريتوا لبس العيد.. والأهم طبعاً هو "كعك العيد" مش كده :) كعك العيد شكله ممكن يكون صعب لكن لو عايزين تعملوه في البيت طريقته سهلة جدا ومابتاخدش وقت. هانحضّر.. كيلو دقيق -معلقه كبيره خميره فوريه -3/4كوب لبن دافئ -معلقه كبيره ريحه كعك من عند العطار -3 معالق سمسم -معلقتين سكر -3كبايات سمنه سايحه. الحشو: عجميه بالسمسم او بالمكسرات. معلقتين زبدة -معلقتين دقيق -معلقتين سمسم -نص كباية عسل -كباية عين جمل او فزدق(اللي موجود) -ماء زهر. الطريقه: نجيب العجّانة او طبق عميق ونحط كيلو الدقيق والسمسم والسكر واللبن والخميره ونقلبها كويس وبعدها نحط السمنه السايحة وريحة الكعك ونقلب لحد مالخليط يبقى عجينة متماسكة. نغطيه ونسيبه يرتاح ساعة. وفي الوقت ده نحضّر الحشو.. نحط الزبدة والدقيق عالنار ونقلب لحد مايبقى دهبي ونهدّي النار خالص ونزود العسل والسمسم ونقبلب لحد مايتقل شوية ساعتها نحط ماء الزهر و كباية المكسرات اللي عندنا عين جمل او الفزدق.. نقلب ونقفل النار.. ونشكل الحشو على شكل كور صغيرة عشان تبقى جاهزة للحشو. ودلوقت نحشي عجينة الكعك.. نقسم العجينة كور ونفتحها ونحشيها من العجميّة ةنقفلها ونضغطها بإيدينا وننقش كل واحدة بمنقاش الكعك وندخله الفرن على حرارة 170 لمدة نص ساعة او لحد مايحمر. ولما يطلع نرشّه سكر بودرة. وماتنسوش ان كعك العيد بيحب اللمّة ولازم نوزّع كعك العيد عشان نفرح الناس اللي حوالينا وأكيد لازم نوصّل الكعك لأي حد محتاج عشان يفرحو معانا بالعيد. الأفكار البسيطة دي ممكن توفّر وجبة لحد تاني محتاج وممكن تساعد في وقف الهدر والقضاء على الجوع. شاركونا في حملة ‎ ‫#القضاء_على_الجوع‬ #وقف_الهدر #NotWasting #ZeroHunge #FAOarabic #UNFAO كل سنة وانتو طيبين.. ونهاركم سعيد :) #رمضان_2018 #فطار_سوكة






12
Copyright resarved @ ISDEgypt.com